Israeli sakkuaakkunnaarnissamik Hamasimut siunnersuuteqarpoq

Hamasip Israelillu sorsuunnerisa aallartinneraniit, inuit 34.000-init amerlanerusut inuunerannik naleqartumik kinguneqareerpoq, maannalu Israeli islamisiortunut Hamasimut, Gazami sakkuaakkunnaarnissaq pillugu siunnersuuteqarpoq.

Taama Hamasimiit nutaarsiassaqartitsivimmut Reutersimut paasissutissiisoqarpoq.

Israelip siornatigut piumasarisimavaa sakkuaakkunnaarnissaq, siunnersuummullu tassunga atatillugu, oktoberip arfineq aappaanni, Hamasip Israelimut saassussinerminni sallunaveeqqutitut tingusarisimasaat, iperangaanissaat piumasarineqarpoq.

Siunnersuut qanoq imaqarnersoq takoqqaarlugu akissuteqartoqarsinnaavoq, Hamasimit taama oqaaaseqarput.

Nutaarsiassaqartitsiviup AFP-ip paasissutissaatai naapertorlugit, Gazami Hamasimit sallunaveeqqutitut tingusareqqaneqartut 129-inik amerlassuseqarput, toqusimasutulli ilimagineqartut 34-inik amerlassusillit kisitsisinut ilanngunneqarput.

Hamasip Israelimut saassussinerani, inuit 1100-nit amerlanerusut toqutaasimasut, Israelimit kisitsisinngorlugit naatsorsorneqarsimapput.

Hamasip peqqissutsimut tunngatillugu oqartussaasuisa, kisitsisitigut nalunaarutaat naapertorlugu, Israelip saassunneqareerluni akiniaanerata kingorna, Gazami inuit 34.356-it inuunerinik naleqarsimavoq.

Isumaqatiginninniarnerit ilaatigut siunertaraat, sorsuffimmi inunnik ikiuiniartunit, ikiorsiissutissat ajornannginnerusumik tikiunneqarnissaat.